A peli do día

Xoves, 19 de Xaneiro de 2006

Máis leña

O xornal dixital Galicia Hoxe non da por zanxada a polémica sobre o CGAI e volver cargar as tintas contra a Consellería de Cultura.

En portada de Galicia Hoxe o 19-01-2006

Reproducimos aqui a noticia íntegra:

AUDIOVISUAL EN PÉ DE GUERRA

Ánxela Bugallo aperta para que Pérez Touriño lle ceda o CGAI
redacción

Nos últimos días, o asesor da Consellería de Cultura, Manolo González, vén recollendo apoios no sector audiovisual para contrarrestar as informacións que publicou en datas recentes este xornal sobre a proposta presentada por González á Academia dun cambio na concesión de subvencións ao sector.

Para conseguir apoios en forma de sinaturas, o promotor principal dunha carta que pide o apoio a González é o ex director do CGAI, Pepe Coira, quen nesta lexislatura aspiraba a dirixir o Consorcio Audiovisual. Coira e González formaban un tándem que tentaba ocupar os principais cargos vinculados ó audiovisual en Galicia, como xa fixeran a mediados dos anos 90.

Unha vez frustradas as súas aspiracións para acceder ó Consorcio, Coira activa agora unha misiva dirixida ó sector na que se critican "varios escritos aparentemente informativos" no xornal GALICIA HOXE, informacións que, ó seu ver, "buscan poñer en cuestión a dignidade de Manolo González".

Esta carta, que Coira e González queren facer pública nos próximos días, afecta a un sector, o audiovisual, particularmente sensible ás subvencións que estarán controladas directamente polo asesor do gabinete de Cultura, Manolo González. Neste sentido, poderíase respirar certo clima de presión que forzara o audiovisual galego a unha postura de "lealdade incondicional" a aquel de quen vai depender a repartición de axudas públicas.

Ó mesmo tempo, Ignacio Vilar, que podería ser un dos principais favorecidos pola política audiovisual ‘minifundista’ proposta por González, patrocina tamén outra carta de apoio ó asesor de Cultura.

Non é casual que a xénese desta carta coincida coa nova arremetida de Ánxela Bugallo para que a Consellería de Cultura asuma o CGAI. Para xustificar o que parece que é un pulso de poder que vai máis aló do propio CGAI, Bugallo entregoulle a Touriño un informe comparativo co que intenta lexitimar que Cultura asimile o centro e Manolo González acceda ó cargo.

----------------------------------------------------------------------------------

Agora, segundo este xornal parece que todos os que consideramos que se lle está a dar un trato inxusto a Manolo González somos sospeitosos de querer conseguir ou algún posto, ou ben queremos asegurarnos cartos na vindeira convocatoria de subvencións. Eu doulle as gracias a este xornal pola parte que me toca xa que son unha voz anónima que tamén subscribe o texto de Pepe Coira sen ningún tipo de afán máis que denunciar o trato inxusto que se lle está a dar a un compañeiro de profesión.
En breve publicaremos a carta en cuestión e os asinantes da mesma. Mentres tanto aí vai unha escolma de comentarios recollidos no xornal Galicia Hoxe pertencentes a profesionais do audiovisual de distintos eidos.

-----------------------------------------------------------------------------------

Pepe tamén?
Escrito por Púri Seixido o 2006-01-19 14:10:29
Estou que case me caen as zocas dos pés do susto que teño. Pepe Coira tamén quere un posto!!! (Xa saberán que Pepe tivo un bo posto, director do CGAI, e que o deixou por propia vontade para dar clases na Escola de Imaxe e Son) E Ignacio Vilar tamén quere a súa tallada, insinúan vostedes. E supoño que todos os profesionais que asinen esa carta van querer tamén cacho por decir publicamente que Manolo González non merece o trato que o seu xornal lle está dando. Menos mal que me avisan, porque eu xa asinei esa carta e non pedira nada. So vexo un problema. Somos tantos que imos ter que andar a piñas para repartir.
(Por certo, Redacción, as informacións non se contrarrestan, se contrarrestan os seus efectos)

Apoio
Escrito por Carlos Alberto Alonso o 2006-01-19 13:33:23
Todo meu apoio sinceiro, humilde e condicional para Manolo Gonzalez. O seu, e amor polo Cinema, coñecendo a sua trayectoria so destaca unha cousa, paixon polo Audiovisual Galego. Graciñas.

nin te enteras
Escrito por carlos oro o 2006-01-19 12:00:19
A modo. Volvemos ó mesmo, deixe de mentir. Non tal, a ver si se entera. Hai máis xente no audiovisual que os productores.Quizabes o problema é que hai alguén que non quere enterarse. Non teña afán de protagonismo, non hai tal guerra. Quizabes, e propiciado por vostede, sí estemos ante unha homenaxe en vida a Manolo. Pena para él, nunca gustou de protagonismo; saiba que posiblemente Manolo González participou de forma directa ou indirecta e máis de 1000 produccións audiovisuais galegas e que nunca quixo figurar nos créditos. É un home ó que lle gusta o cine, por estética e por ética. ¿É a vostede?.

O audiovisual galego non precisa de mái
Escrito por pepe barba o 2006-01-18 13:17:48
O Ata agora publicado non é de meros “notarios”. Da a casualidade de que eu tamén son ex director da Escola e ex directivo de Dygra, e non sinto ningunha sombra sobre mín, máis ben orgullo do traballo e da compañía, entre outros, de Manolo González. ¿Qué fixo Manolo que non fora traballar? Traballar é agora motivo de descalificación. É curioso que algunhas das xentes do audiovisual que están detrás desta insidia nin soñarían con traballar neste medio se Manolo González non fixera o que fixo os últimos 20 anos. ¿Comeza así o ruido? ¿Qué pretenden facer? ¿Quén son os aliados e informadores desa redacción de Galicia Hoxe? ¿A quén perxudica o baremo? Deixade traballar a Manolo, e tratade de batirlle no terreo do debate político ou cultural, se sodes capaces. Pero non con desprestixios, falacias ou mentiras. O audiovisual galego non precisa de máis turistas.

Por: Fagot | A Debate | Comentarios (2) | Referencias (1)