A peli do día

Martes, 14 de Febreiro de 2006

Volcano High School

A medio camiño entre o Animee e Matrix.



Título Orixinal: Whasango
Ano: 2001
Nacionalidade: Korea do Sur.
Dirección: Tae - Gyun Kim
Guión: Dong-heon Seo, Tae - Gyun Kim
Interpretes: Hyuk Jang, Min-a Shin, Su-ro Kim, Sang-woo Kwon, Hyo-jin Kong, Sang-hun Jeong, Hyeong-jong Kim, Shi-ah Chae
Producción: Seoung-Jae Cha, Jack Maeby
Producción Executiva: Seung Chung, Ted Chung, Rob Edwards, Woo-Suk Kang
Fotografía: Yeong-taek Choi
Dirección Artística: Geun-yeong Jang, Kyeong-hie Kim
Música: Gary G-Wiz, Yeong Park, Amani K. Smith
Montaxe: Im-Pyo Ko

Sinopse: Kim Kyung-soo é un xoven experto en artes marciais ó que lle costa controlar os seus poderes e que xa foi expulsado de oito escolas. Na nova escuela tódolos alumnos son expertos en artes marciais, e pronto, Kim será desafiado por outros compañeiros. Finalmente, verase envolto nunha violenta batalla provocada pola búsqueda do lexendario Manuscrito Secreto.

Comentario:
Chegamos a este filme polos compañeiros de Cinemafriki que o comentaban hai uns meses. A verdade é que nada máis ler sobre este filme entroume a curiosidade e fun embalado a buscalo (Gracias!!!!!).
Pero antes de comezar a repartir estopa, xa que merece a raudales, teño que aclarar que polo que me puiden enterar, hai dúas versións deste filme, a Koreana, e a patrocinada pola MTV e non sei se teñen moita diferencia, nin sei cal se pode conseguir aquí.
En fin, metámonos no allo. O filme arranca cunha secuencia verdadeiramente impresionante. Un mestre lanza un anaco de tiza a un alumno que quedou durmido. Cando parece que lle vai dar, a tiza queda suspendida no aire e volve cara o profesor. Fántástico, o conto comezaba con chispa. Sen embargo non tardou en torcerse. A partires daí contásenos un prólogo infinito, con letras como xa nos teñen acostumados os orientais, no que nos resumen varias xeracións de loitas entre os profesores e os alumnos, unha gran batalla, e un manuscrito secreto que os gobernará a todos. Vaia, o señor dos aneis pero con manuscrito.
O que ven a continuación é unha mestura de Animee e Matrix, ou dito doutra forma, caretos varios e fogos de artificio. O argumento é un completo delirio, todo o instituto se volve tolo na procura do fantástico manuscrito e agrupanse en relación ás actividades extraescolares, rugby, kendo, loita libre..., a cuestión é pelexar e ser o mellor alumno para recibir o manuscrito. A locura é tan grande que é imposible non botarte unhas risas coa ida de pelota que che están plantexando ós 10 minutos de película. Resumindo, todos se pegan entre eles ata que chega un profesor substituto coa súa camarilla que é máis bestia que tódolos alumnos. E fancendo seu o lema de que "a letra con sangue entra" dedícase a darlle verdadeiras malleiras ós alumnos. É neste momento no que o prota, moi modosiño pero con moitos poderes, perde a paciencia e se lía a hostias co profesor.
Pouco máis hai que dicir. Efectos especiais e fogos atirficiais, todos os que queirades e máis. O protagonista, Hyuk Jang, resultoume gracioso. O argumento non ten o máis mínimo sentido pero pode enganchar precisamente por eso.
O peor de todo é que se fai repetitiva ata a saciedade, a última hora de filme (dura dúas) xa viches tódolos trucos visuais e xa estas farto de que o prota non se decida a entrar en acción dunha vez. Ó final cansa.
Aínda así, eu paseino bastante ben, polo menos ó principio do filme onde non podía crer o que me estaban a contar.

Nota: 4

Por: Fagot | Filmes | Comentarios (5) | Referencias (0)