A peli do día

Domingo, 19 de Febreiro de 2006

Garganta profunda

Despois de Bill Plympton... falamos de porno.



Título Orixinal: Deep throat
Ano: 1972
Nacionalidade: EE.UU.
Dirección: Gerard Damiano
Guión: Gerard Damiano
Interpretes: Linda Lovelace, Harry Reems (Dr. Young), Dolly Sharp (Helen), Bill Harrison (Mr. Maltz), William Love (Wilbur Wang), Carol Connors (Enfermeira), Bob Phillips (Mr. Fenster), Ted Street (Delivery Boy), Jack Byron (#11), Michael Powers (#12), Gerard Damiano (ultimo home)
Producción: Lou Peraino
Fotografía: Harry Flecks
Música: Gerard Damiano
Montaxe: Gerard Damiano

Sinopse: Unha muller non está satisfeita sexualmente e decide ir ó médico para que a axude.

Comentario:
O porno é un xénero morto, cinematográficamente falando. A chegada do video e posteriormente a irrupción de internet fixeron que sexa practicamente imposible falar de cinema porno xa que o mercado está colapsado de videos caseiros que nada teñen que ver co cinema. A esto axudou tamén o propio Star System do porno que abriron camiño pola súa conta e que deixaron de facer películas para forrarse cos vídeos.
En todo caso, segue habendo títulos no cine porno e algúns son máis que comentables. Por exemplo este: Garganta Profunda, un filme que trascende do xénero e que fixo historia.
Garganta Profunda é importante por dúas razóns. A primeira é que se trata do primeiro filme porno que se estrea en salas comerciais, algo impensable, tanto nos anos 70 como na actualidade. A segunda que o título deste filme, "Deep Throat", foi o alcune que escolleu o confidente de Bernstein e Woodguard (creo que se escribía así) e que daría orixe a que se destapase o escándalo Watergate (recentemente o filme "Inside deep throat" fala desto).
En canto ó filme é o que é, sen embargo hai herdanzas cinematográficas que non se borran aínda que se trate deste xénero. É certo que a historia non é gran cousa e que foi utilizada e tropecentos mil filmes máis. Sen embargo eu quédome con dúas cousas, por un lado o humor e por outro a montaxe. Naqueles inicios, os filmes porno estaban contados con moito sentido do humor e os chistes eran habituais. En certo sentido esto fai que hoxe en día para os consumidores de porno este filme poida ser demasiado inocente, sen embargo a min faime gracia ver determinados comportamentos puritanos contados con humor dentro dun filme porno.
Por outro lado está a montaxe. Un campo inviolable cando fas cinema en 35 mm e que dota a este filme dun ritmo que non existe nin no cinema porno actual nin en outras moitas películas de "cinema convencional". De entrada, a montaxe fai que non teñas que estar 20 minutos vendo como 2 ou máis persoas teñen unha relacción sexual, algo que sinceramente me parece aburrido ademais de antinatural, xa que o tempo cinematrográfico e o tempo real son cousas ben distintas e non é tan doado unificalas. En Garganta Profunda eso non pasa e ademáis o seu director Gerard Damiano tivo a feliz idea de incluir planos que non viñan a conto pero que provocan momentos máis que divertidos. Por exemplo, a min encántame o momento no que Linda Lovelace chega ó orgasmo e vemos un foguete estoupando e unha fonte de canguriños con cornetas que vai xirando sobre si mesma. Esto pareceume unha xenialidade.
En resumo, non sei se da para recomendar o seu visionado, pero creo que por importancia histórica é un filme que se debe recordar e ter presente.

Nota: 5

Por: Fagot | Filmes | Comentarios (2) | Referencias (0)