A peli do día

Mércores, 22 de Febreiro de 2006

Volve Rambo, pero esta vez do lado turco.

O filme máis caro da cinematografía turca conta a historia dun heroe que se enfronta ás tropas norteamericanas en Irak.




O que pensou que xa o tiña todo visto equivocouse. O pasado 9 de febreiro estreabase en Alemania "Kurtlar Vadisi" un filme inspirado nunha serie de televisión de gran éxito en Turquía. O filme aparecía en cartel co aliciente de ser a producción turca máis cara da historia, 8,4 millóns de euros que non está nada mal.
O título en Alemania foi "Tal der Woelfe" ou o que é o mesmo, "O val dos lobos" e conseguiu unha recadación histórica para un filme turco, vendeu 66.000 entradas nun só fin de semana.
A partires daí desatouse a polémica, xa que "Kurtlar Vadisi" conta a historia dun axente turco, Polat Alemdar que fará fronte ás forzas americanas en Irak en defensa da causa turca.
O filme arranca cunha voda celebrada pacificamente entre kurdos, árabes e turcos, na que irrumpen as forzas americanas a golpe de escopeta e matan ós presentes. A continuación atacan unha base turca humillando ós soldados detidos. Despois desto, o protagonista, Alemdar, xura vinganza e promete facerlles pagar ós EE.UU. pola súa intervención.
O filme, dirixido por Serdar Akar, é unha mestura de realidade e ficción que nos amosa escenas de enorme dureza, alusións a Abu Ghraib e secuencias con contidos antisemitas.
Con estes mimbres, xa son uns cantos os que pediron que o filme fose retirado das salas. Entre outros políticos, o Primeiro Ministro de Baviera, Edmund Stoiber, conservador para máis señas, advertiu de que o filme provocaba sentimentos antioccidentais. Pola súa parte o Presidente do Consello de Xudíos en Alemania, Paul Spiegel, tamén abogou pola retirada do filme polo seu contido antisemita.
Por contra, o presidente do Foro Xermano-Turco da Unión Cristianodemócrata (CDU), Bülent Arslan, apuntou que pese a evidencia dun "contido hostil" hacia os EE.UU., non deixa de ser verdade que moitas produccións de Hollywood son igualmente hostiles en sentido inverso.
Mentres se produce o cruce de declaracións, os distribuidores frotanse as mans e levan xa 266.000 entradas vendidas só en Alemania.
Esperemos que o filme chegue ás nosas pantallas :)

Por: Fagot | Cinema | Comentarios (2) | Referencias (0)