A peli do día

Mércores, 12 de Abril de 2006

Axudas ó audiovisual galego

Xa se fixeron públicas as axudas que este ano a Xunta de Galicia vai destinar ó sector audiovisual por medio da Consellería de Cultura. Tivemos certos problemas que nos impediron publicar este texto nas datas sinaladas.
As nosas desculpas :(

A Xunta ben de publicar os pasados días 3 e 4 de abril no Diario Oficial de Galicia (D.O.G.) as ordes para as axudas que otorgará o goberno galego no presente ano para proxectos do mundo audiovisual. Na convocatorioa deste ano atopamos importantes novedades ademáis dun cuantioso aumento orzamentario.
Os prazos para optar ás axudas son, como habitualmente, de 30 días hábiles, aínda que se prorrogaran 10 días máis para as persoas que se presenten ás axudas e neses 30 días non aporten toda a documentación necesaria.
Como punto negativo hai que sinalar que se trata da convocatoria máis tardía dos últimos anos e que deixa ó sector con moi pouca marxe de maniobra xa que os proxectos deben estar rematados e presentados na Xunta o 31 de Outubro do presente ano cando é máis que probable que non se coñeza a resolución das axudas, como moi pronto, ata comezos de xuño do presente ano.

As ordes unha a unha:

Curtametraxes

Orde do D.O.G. (Hai problemas para abrir o documento do D.O.G. desde internet así que os intteresados buscade a orde nas disposicións da Consellería de Cultura e baixadea en formato pdf)

Orde do día 3 de abril do 2006. Parécese moi pouco a calquer convocatoria das vividas ata o momento. Para comezar parte cunha plantilla orzamentaria de 514.000 euros, unha cifra inigualable ata o momento non só no goberno galego senón en comparación con outros gobernos que ofrecen axudas ó sector dentro do estado.
Dentro desta orde, outra das novidades é a diferenciación de modalidades dentro das curtametraxes que optan ás axudas:
Modalidade A:
Curtametraxes cinematográficas feitas por productoras. Axuda máxima 12.000 euros.
Modalidade B:
Curtametraxes cinematográficas de animación feitas por productoras. Axuda máxima 30.000 euros.
Modalidade C:
Curtametraxes en soporte dixital dirixida a creadores individuais. Neste campo abrense 4 novos apartados. Curtametraxe en soporte dixital de temática libre, curtametraxes dirixidas ou guionizadas por mulleres ou con malloría de equipo feminino, curtametraxes dirixidos ou guionizados por menores de 21 anos e curtametraxes sobre a memoria histórica. Axuda máxima 6.000 euros.
Modalidade D:
Produccións experimentais de dificil financiamento. Poderán optar tanto empresas como creadores individuais. Axuda máxima 15.000 euros.

Ademáis do papeleo legal necesario (que podedes ver con detalle na orde) a documentación necesaria para optar a unha axuda é a seguinte:
Documentación de propiedade dos dereitos da obra (léase cesión de dereitos ou rexistro na propiedade intelectual).
Memoria do proxecto (5 páxinas).
Sinopse (2 páxinas)
Guión definitivo.
Calendario do proxecto e plan de producción.
Orzamento segundo o modelo do ICAA
Plan de financiamento con especificación da aportación doutras entidades colaboradoras.
Curriculo técnico-artístico.
Declaración da lingua orixinal de rodaxe (Esta ten coña :)
Calquera outra documentación que o solicitante estime oportuna.

Outra das novedades é que a orde expecifica un criterio de valoración dos proxectos á hora de otorgar a axuda. Así se valorará (por unha comisión de expertos): A calidade, creatividade e orixinalidade. A contribución ó desenvolvemento dos valores da cultura galega. O grao de elavoración do proxecto. A utilización de recursos técnico-artísticos galegos. A viabilidade do proxecto. Todos estes aspectos ata un máximo de 10 puntos.

Tamén hai novedades na forma de pago. Por primeira vez, a Xunta vai facer efectivo o pago do 50% da axuda unha vez que se confirme a aceptación da mesma (é dicir por adinatado). O 50% restante farase efectivo unha vez presentada a documentación pertinente acompañada do proxecto finalizado. O limite para adxuntar esta documentación é o 31 de outubro para o proxecto e o 30 de novembro para a documentación xustificativa.

Escritura de Guión
A máis innovadora das ordes. Podedes descargala no D.O.G. (Hai o mesmo problema que coa anterior).
A principal característica desta orde é que por primeira vez vai destinada a guionistas indivisuais e non se valorará con maior puntuación a presentcia dunha productora no proxecto. A Consellería conta cun orzamento de 150.000 euros para este apartado. A orde data do 4 de abril do 2006.
A cuantía máxima da axuda é de 15.000 e o solicitante deberá presentar para optar á axuda:
Historial profesional.
Memoria do proxecto.
Sinopse.
Tratamento (mínimo de 20 páxinas)
Declaración de obra orixinal.
Certificado de empadroamento en Galiza.

Os criterios de valoración e de pagamento serán os mesmos que os das curtametraxes que indicamos anteriormente.

Desenvolvemento
Outra das novedades deste ano xa que habitualmente esta orde estaba compartida coa escritura de guión. A data da orde é do 4 de abril do 2006 e podedes descargala no D.O.G (idem). O orzamento destinado para esta partida será de 496.000 euros.
Entra neste apartado o desenvolvemento de: Longametraxes cinematográficas e documentais, películas para televisión, contidos interactivos, e formatos innovadores para televisión.
Está destinado ás productoras aínda que se necesita un contrato cun autor ou guionista para o desenvolvemento especificado.
Ademáis da documentación pertinente que é a mesma que no caso da escritura de guión, as productoras deberán adxuntar un cronograma no que se especifique o proceso de desenvolvemento.
Nos criterios de valoración terase en conta ademáis dos puntos antes sinalados, o historial da productora e do guionista e valorarase con 5 puntos máis a calidade, creatividade e orixinalidade do proxecto.
Non se especifica un límite na cuantía da axuda aínda que se esplica que o importe da mesma ou en compatibilidade con outras axudas poida superar o custo da actividade que se vai desenvolver (xa me contaran como controlan esto).

_____________________________________________________________

Esto é todo a grandes rasgos, aínda falta por coñecer as axudas á producción. Se queredes máis detalles podedes mirar as ordes na páxina do D.O.G e buscar as ordes dentro de "Outras disposicións" dos días 3 e 4 de abril e a continuación mirar en Consellería de Cultura.
Persoalmente e despois de ler os contidos das axudas, a primeira impresión é que dubido que se vaian a facer tantas curtas como se presupón na partida orzamentaria. En todo caso parécenme positivos os criterios de avaliación aínda que tendo en conta os precedentes teño reticencias a pensar que van ser cumplidos. Non sei, de momento ábrese unha porta á esperanza que xa veremos que resultados trae a niveles de producción audiovisual.
En todo caso desexamos sorte a todos e ogalla que estas axudas sirvan para revitalizar o sector :)

Por: Fagot | Monográficos | Comentarios (6) | Referencias (0)