A peli do día

Martes, 02 de Maio de 2006

Dúas peliculas de capital galego propoñen outra ollada a Europa

Información de La Voz de Galicia

O cine galego estreará ao longo desta semana dúas coproducións argumentalmente ligadas a Europa. Unha delas, participada por Filmanova, é unha das primeiras coproducións europeas. A outra, con participación de Adivina, é a primeira película dirixida por Carlos Iglesias.
A película de Filmanova foi presentada na Berlinale do 2005 baixo o título de One day in Europe e será estreada en España co nome de Galatasaray-Depor . É a segunda longametraxe do director alemán Hannes Stöhr, quen conseguiu chamara a atención da crítica europea coa súa primeira cinta, Berlín is in Germany.
Un pequeno puzzle europeo é o armazón desta película que ten como fondo deportivo unha final da Champions nas que se encontran dos equipos da periferia europea, o Galatasaray e o Dépor. Mentres estes dous equipos van facendo campo no resto de Europa pasan un monte de cousas en puntos tan distantes como Moscova, Istambul, Compostela e Berlín.
Nas catro historias hai un conflito coas equipaxes e a policías abordado desde o punto de vista da comedia e un certo cadro de costumes da vida en puntos distantes dunha xeografía que, segundo din, ten algunhas cousas en común.
A participación galega ten aos actores Miguel de Lira, Víctor Mosqueira, Luís Tosar, Blanca Cendán, Mónica García como protagonistas do episodio que transcorre nunha Compostela tomada por seareiros do Dépor. Un franco, catorce pesetas , coproducida por Adivina, é a primeira película de Carlos Iglesias, coñecido polo seu traballo como actor en Manos a la obra . A película conta con tono de comedia e clave melancólica a emigración española a Centroeuropa nos anos sesenta. As dificultades para conseguir contratos, adaptarse ao idioma e o cambio social que supuña pasar de España a Europa naquela altura, quedan reflectidas nesta película que ten unha carga autobiográfica para o seu director. Miguel de Lira tamén forma parte deste reparto, no que tamén participou Isabel Blanco e María Pujalte. Un franco, catorce pesetas se estrea mañá e Galatasaray- Depor o xoves nos Filmax coruñeses.

Por: Fagot | Cinema | Comentarios (2) | Referencias (0)