A peli do día

Domingo, 07 de Maio de 2006

A Casa das Crechas acollerá mañá a proxección de 5 curtas

As curtametraxes pertenecen á rede On & Off organizada por Mr Misto.



Mañá luns 8 de maio a partires das 21 horas, a Casa das Crechas (en Compostela) acollerá a proxección das 5 curtametraxes seleccionadas polo Consorcio Audiovisual de Galicia e a Galicia film commission, no seu programa Curtas 05, para a promoción das curtametraxes galegas. As proxeccións atopánse dentro da rede On & Off, organizada por Mr Misto, unha rede que ofrece unha distribución alternativa a curtametraxes proxectandoas en distintos puntos de Galiza.
Os asistentes á velada poderán ver: "A boa caligrafía" de Alex Sampaio, curtametraxe gañadora do premio Mestre Mateo á mellor curta de ficción e que conta xa cunha importante traxectoria en festivais. Verase tamén "Rosas", a primeira producción de Mr. Misto dirixida por Mikel Fuentes e José Luís Márquez e que conta con Isabel Blanco no papel protagonista.
As outras tres curtas serán: "Lobos" unha historia de neonazis dirixida por Dani de la Torre e gañadora do premio á mellor curtametraxe na IX edición do festival de cine de Ourense. "Redondeo" de Pablo Iglesias, curtametraxe protagonizada por un dos actores de moda na actualidade no cinema español, Oscar Jaenada. E "Máxima Pena" de Juanjo Giménez, curtametraxe gañadora do festival de cine de Noia.

Máis información sobre as actividades da Casa das Crechas en Culturacrecha

Por: Fagot | Festivais e Proxeccións | Comentarios (0) | Referencias (0)