A peli do día

Sábado, 20 de Maio de 2006

Boa acollida do filme "Volver" no festival de Cannes

Información de La Voz de Galicia

Chegou, viu e convenceu. A película Volver , de Pedro Almodóvar, presentada onte a competición no Festival de Cannes, recibiu nos seus diferentes pases as maiores ovacións escoitadas no que levamos de certame.
Aplausos entusiasmados dun público entregado por completo que, pese a proceder dos máis recónditos recunchos do planeta, captou todos os chistes e chiscadelas do filme sen o menor problema.

Éxito de despacho de billetes

A película, que en España foi vista xa por 1,7 millóns de espectadores nas dez semanas que leva o cartel, inicia en Cannes a súa traxectoria internacional. A troupe Almodóvar chegou a Cannes o xoves pola noite, e os seus compoñentes -Pedro; o seu irmán Agustín , produtor do filme; e as actrices Penélope Cruz , Carmen Maura , Lola Dueñas , Blanca Portillo e Yohana Cobo - dedicaron o venres a atender aos diferentes medios de comunicación, antes de asistir á soirée de rigorosa etiqueta, previa subida pola escalinata da alfombra vermella do festival.
O director manchego permanecerá en Cannes ata o xoves da semana próxima e espera que, para facer honor ao título do seu filme, teña que volver o vindeiro domingo 28 a recoller algún galardón, xa que a película cheira a premio.

Por: Fagot | Festivais e Proxeccións | Comentarios (0) | Referencias (0)