A peli do día

Martes, 23 de Maio de 2006

Galiza?... de cine?

Asdo.
Nem Tele Nem Gaitas

Se a TVG fosse um espelho da cultura galega, calquera televidente que a semana passada lhe botasse umha olhada teria a sensaçom de que o distinguido com o Dia das Letras Galegas em 2006 nom foi outro que… Xabier Villaverde. Por que? Por que a programaçom “especial” dessa semana na canle autonómica consistiu em emitir tres días seguidos as tres fitas asinados polo director corunhes (13 Campanadas, Finisterre e Continental, dobradas ao galego). Questiom aparte é debater que nom se emitam estes dias longametrages RODADAS em galego (impossivel encher umha semana), mas o que si volve é a discussom, tam de moda meses atrás, de que é (se é que existe) o Cinema Galego.

Coincidindo tamem (como nom) com as Letras Galegas, o jornal La Voz de Galicia começou a entrega os domingos da série de dvds que deu em chamar “Galicia de Cine”, seguindo a lógica dos jornais espanhois segundo a qual El Mundo distribúe cinema universal (é dicir, ianqui) e El Pais cinema espanhol (e agora tamén “en espanhol”). Claro, á Voz tocava-lhe o cinema “enxebre”.

E polo visto esta “escolma” vem a reproducir, com o patrocínio da Conselharia de Cultura, os erros de conceito que venhem acompanhando ao audiovisual galego nesta súa primeira década de vida “professional”. Para comezar, o título. Um pensa que “Galicia de Cine” recolherá LONGAMETRAGES estreadas en salas de cinema e feitas por empresas e/ou persoas GALEGAS. Pero nem umha cousa nem outra. Trata-se, coma nos anuais prémios do audivisual, dumha mestura de longas, curtas, documentais (até aquí, aceitamos barco), telefilmes e… séries! (esso si, só as produzidas pola própria Voz).

E diremos, coma quando esto se discute (cada ano) com motivo dos prémios: é que se nom, nom se dá feito umha coleiçom, só com produto nacional. Pero esto é duplamente incorrecto: si que se pode acadar um número de 10 ou 12 pelis dignas rodadas por galegos; e nom todas as que inclúe a Voz o som. Se nom, por que inclúe “La lengua de las mariposas”. Das pelis feitas aquí, é das que menos equipa galega tiverom. Cuerda é de Albacete… por que esta si e outras (Mar Adentro, Los lunes al sol) nom? Porque co-produzia o grupo Voz?

E para que pensam que serve o formato DVD? Para rematar de fastidiar, as pelis rodadas em espanhol (por exigências no seu dia das distribuidoras) venhem só en versom dobrada ao galego. E assi vemo-nos obrigados a ver a Fernan Gomez ou a Juan D Botto com outra voz. E os técnicos de audio galegos que trabalharom nessas pelis nom podem ver (perdom, escoitar) o seu trabalho. E ja postos a aproveitar o contido dos discos, podiam repartir as curtametrages (que teram menos demanda) acompanhando às longas, e nom num único dvd.

Total, que queda para outra a possibilidade de ter um anaco da estanteria adicado ao cinema galego.

Por: Fagot | A Debate | Comentarios (7) | Referencias (0)