A peli do día

Luns, 10 de Xullo de 2006

Volvemos (Si Fenosa o permite)

Despois dunha semana no limbo estamos de volta coas novas do verán.

En fin, retornamos despois dunha semana "sabática" na que despois de 12 cortes de luz (contados) o meu disco duro se negou a continuar e demandou un formateo porque Windows deixou de atopar eses arquivos "indispensables" e tan sensibles ó maltrato doméstico. Claro está que como estamos no primeiro mundo e Galiza non se parece en nada a unha Republica Bananeira, Fenosa non se fai responsable das cagadas que comete sempre atribuídas a avarías alleas ó seu funcionamento e por moita reclamación que se faga ó final sempre é un o que ten que pagar polo seu funcionamento calamitoso, tanto cada dous meses como en especias cando lle dá o punto de sodomizarte.
Moitas gracias a Fenosa e ó seu Conde, desexolles unha pronta OPA dalgún xigante alemán.
Gracias tamén ás consellerías de industria e consumo que tanto velan polos intereses dos seus votantes consumidores.

Fora desto, as dificultades técnicas fixeron que deixásemos varias novas atrasadas. A máis importante é unha noticia tráxica: A morte de Fabián Bielinsky da que estamos a preparar unha pequena reportaxe facendo un repaso da súa carreira no mundo do cinema (desde aquí o noso pesame, moi sentido)
Outra das novas é que xa está aberto o prazo para mandar traballos ó que será a 6ª edición do Festibérico, un Festival que se organiza anualmente en Holanda e que supón unha magnífica oportunicade para que traballos descoñecidos para moita xente poidan cruzar as nosas fronteiras e do que xa demos conta na súa 5ª edición.
Calquera persoa que queira mandar o seu traballo para que sexa visto no festival pode porse en contacto coa organización na seguinte dirección de correo: festibericoteam-owner@yahoogroups.com
En principio proxéctanse traballos en español e portugués, aínda que supoño que os proxectos realizados en galego non van ter ningún problema para a súa admisión.

Esto é todo polo momento.
Volveremos con máis novas se lle peta ó señor conde :(

Por: Fagot | Xeral | Comentarios (0) | Referencias (0)