A peli do día

Xoves, 19 de Outubro de 2006

De Profundis entusiasma na súa estrea

Información de La Voz de Galicia

Un océano descoñecido asolagou o Pazo da Ópera coruñés. Un océano de imaxes musicadas na máis singular das propostas cinematográficas producidas en Galicia nos últimos anos. Miguelanxo Prado e Nani García estrearon na noite de onte De profundis , un paseo por un océano descoñecido ao que se asomaron parte considerable da vida social e cultura galega. A posta de longo desta animación de autor repetirase hoxe desde as nove da noite no mesmo espazo coruñés.
Dous anos de produción, moito empeño, unha simbiose especial entre un pintor e un músico e un mar que precisa algo de lírica visual tras as últimas resacas, confluíron nunha estrea pensada para impresionar ou para acabar coas dúbidas sobre as posibilidades comunicativas de proxectos sen ánimo comercial.
No seu discurso inicial, o creador de este conto, Miguelanxo Prado, explicou que para el era un día especial porque era «un verdadeiro pracer ter xente que estea disposta a escoitar as historias» e que nunca tivera tanta xente para escoitar unha historia e a posibilidade de contala cunha orquesta como a OSG e coa música Nani García.

Por: Fagot | Festivais e Proxeccións | Comentarios (0) | Referencias (0)